சுவையான சிக்கன் கட்லெட் செய்வது எப்படி?
இன்று, உங்கள் வீட்டில் புதிதாக ஏதேனும் ஸ்நாக்ஸ் செய்ய யோசிக்கிறிர்களா? உங்கள் குழந்தைகளுக்கு பிடித்தமாறியாகவும் சத்துள்ளதாகவும் இருக்கவேண்டுமா? சுவையான மொறு மொறு சிக்கன் கட்லெட் செய்வது எப்படி என்று இப்பதிவில் பார்ப்போம்.
சிக்கன் கட்லெட்:
தேவையான பொருட்கள்:
- சிக்கன் – 200 கிராம் (போன்லெஸ்)
- உருளைக்கிழங்கு – 2
- பெரிய வெங்காயம் – 2
- பச்சை மிளகாய் – 2
- ரஸ்க் – 4
- முட்டை – 2
- தனியா தூள் – ½ ஸ்பூன்
- மஞ்சள் தூள் – ½ டீஸ்பூன்
- இஞ்சி பூண்டு விழுது – 1 ஸ்பூன்
- கரம் மசாலா – ½ ஸ்பூன்
- சோம்பு – ½ டீஸ்பூன்
- உப்பு – தேவையான அளவு
- எண்ணெய் – தேவையான அளவு
- கொத்தமல்லி இலை – சிறிதளவு
செய்முறை:
சிக்கன், உருளைக்கிழங்கு வேகவைத்தல்:
- 200 கிராம் போன்லெஸ் சிக்கன் துண்டுகளை, ஒரு சிட்டிகை மஞ்சள் தூள், சிறிதளவு தண்ணீர் ஊற்றி அழுத்தச் சமையற்கலனில் (பிரஷர் குக்கர்) போட்டு மூன்று விசில் வரும்வரை வேகவைக்கவும்.
- அதுபோல, தனியாக இன்னொரு குக்கர் அல்லது அதே குக்கரில் உருளைக்கிழங்கைப் போட்டு மூன்று விசில் வரும்வரை வேகவைக்கவும்.
கட்லெட் மசாலா:
- வேகவைத்த சிக்கன் துண்டுகளை கலவைக் கருவியில் (மிக்ஸி) போட்டு ஒரு சுற்று சுற்றி அரைக்கவும். அரைத்த சிக்கனை ஒரு பாத்திரத்தில் போட்டு வைக்கவும்.
- பிறகு, வேகவைத்த உருளைக்கிழங்கை தண்ணீர் வடித்து தோலை உரித்து உருளைக்கிழங்கை நன்றாக மசித்து வைத்துக் கொள்ளவும்.
- பின், அடுப்பில் ஒரு கடாய் வைத்து, கடாய் சூடானதும் மூன்று ஸ்பூன் நல்லெண்ணெய் ஊற்றி, எண்ணெய் சூடானதும் ½ ஸ்பூன் சோம்பு போடவும். சோம்பு பொரிந்தவுடன் சிறிதாக நறுக்கிய இரண்டு பெரிய வெங்காயத்தை எண்ணெயில் போடவும். அதனுடன், நறுக்கிய ஒரு பச்சை மிளகாய் சிறிது கருவப்பில்லை சேர்த்து நன்றாக வதக்கவும்.
- வெங்காயம் வதங்கியதும், அரைத்த சிக்கனைச் சேர்த்து கிளறியப்பின் ¼ ஸ்பூன் மஞ்சள் தூள், மிளகாய் தூள், ½ ஸ்பூன் கரம் மசாலா, ½ ஸ்பூன் மல்லித்தூள், தேவையான அளவு உப்பு சேர்த்து நன்றாக கிளறவும். கடைசியாக, சிறிது கொத்தமல்லித் தழை பொடியாக நறுக்கி மேலே தூவி கிளறி, கடாய்யை இறக்கவும்.
- இப்பொழுது, நீங்கள் செய்து வைத்த கட்லெட் மசாலா ஆறியவுடன், சிறிய உருண்டைகளாக உருட்டி வைத்துக் கொள்ளவேண்டும்.
கட்லெட் மேற் பூச்சல் (cutlet coating):
- இப்பொழுது, நான்கு ரஸ்க் துண்டுகளை கலவை கருவியில் (மிக்ஸி) போட்டு பொடியாக்கிக் கொள்ளவும்.
- இன்னொரு பக்கம், ஓர் கிண்ணத்தில் ஒரு முட்டையை உடைத்து அதில் ¼ ஸ்பூன் மிளகு தூள் ஒரு சிட்டிகை உப்பு சேர்த்து நன்றாக அடித்துக் கொள்ளவும்.
- பின், சிக்கன் துண்டுகளை முட்டை கலவையில் நனைத்து ரஸ்க் தூளில் பிரட்டி வைத்து, அதனை உள்ளங்கையில் வைத்து அழுத்தி வட்டவடிவம் செய்துக்கொள்ளவும்.
கட்லெட் பொரித்தல்:
- அடுப்பில் ஒரு கடாயில் பொறிக்க தேவையான அளவு எண்ணெய் ஊற்றி சூடாக்கவும்.
- பின், மேற் பூச்சல் செய்யப்பட்ட சிக்கன் கட்லெட் மசாலாவை எண்ணெயில் போட்டு நன்றாக பொன்னிரம் வரும்வரை பொரித்தால் சுவையான மொறு மொறு சிக்கன் கட்லெட் ரெடி.
குறிப்பு: சிக்கன் கட்லெடிற்கு சாஸ் தொட்டும் சாப்பிடலாம் அல்லது புதினா மல்லி சட்னியையும் தொட்டு சாப்பிடலாம். நன்றாக இருக்கும். கீழே, புதினா மல்லி சட்னி செய்யும் முறையைப் பற்றி காணலாம்.
புதினா மல்லி சட்னி:
தேவையான பொருட்கள்:
- கொத்தமல்லி இலைகள் – ½ கட்டு
- புதினா இலைகள் – ¼ கட்டு
- பச்சை மிளகாய் – 3
- உப்பு – தேவையான அளவு
செய்முறை:
மல்லி சட்னிக்கு தேவையான அனைத்து பொருட்களையும் கலவை கருவியில் (மிக்ஸி) போட்டு அரைத்து கொள்ளவும். அருமையான புதினா மல்லி சட்னி ரெடி.
சிக்கனின் ஆரோக்கிய நன்மைகள்:
சிக்கனில் மிகவும் அதிக அளவு புரத சத்து இருக்கிறது. இதனால், உடல் வலிமை கூடும். சிக்கனில் அதிக அளவு விட்டமின் B, விட்டமின் D, கால்ஷியம், இரும்பு சத்து, துத்தநாகம் (zinc) மற்றும் சிறிதளவு விட்டமின் A, விட்டமின் C அடங்கியுள்ளது.
மேலும் இது போன்ற தகவல்களைத் தெரிந்து கொள்ள, New Facts World மற்றும் Instagram இல் பின்தொடர்க. இவ்விடுக்கை பிடித்திருந்தால், கீழ் கண்ட ஏதேனும் சமூக வலைத்தளங்கள் வாயிலாக பகிரவும்.
